ආයතන අංශය
පෙරටු කාර්යාලයෙන් ලබා දෙන සේවාවන්
- ග්රාම නිලධාරී සහතික අනු අත්සන් කිරීම
- පදිංචි සහතික අනු අත්සන් කිරීම
- විදුලිය ලබාගැනීමේ සහතික අත්සන් කිරීම
- විභාග ගාස්තු හා දඩ මුදල් ගෙවීම
- සියළුම ආකෘති පත්ර නිකුත් කිරීම
- පැයක් තුළ ලබාදෙන සේවාවන්
- ආදයම් සහතික නිකුත් කිරීම
- විශ්රාමික දුම්රිය බලපත්ර නිකුත් කිරීම
- මහජනාධාර දීමනා කාඩ්පත් අලුත් කිරීම
- තක්සේරු වාර්තා නිකුත් කිරීම
- සත්ත්ව ප්රවාහන බලපත්ර නිකුත් කිරීම
- වාහන ආදායම් බලපත්ර නිකුත් කිරීම
වාරියපොල ප්රාදේශීය ලේකම් කාර්යාලයට පැමිණෙන්නේ කෙසේද?
- කුරුණෑගල දෙස සිට පුත්තලම් පාරේ කි.මී. 18 ක් පමණ පැමිණෙන විට වේරපොල හංදිය හමුවේ. එතැන් සිට කි.මී. 02 ක් පැමිණෙන විට දකුණු පැත්තට වන්නට වාරියපොල ප්රාදේශීය ලේකම් කාර්යාල ගොඩනැගිල්ල පිහිටා ඇත.
සමාජ සේවා අංශය
ගර්භණී මව්වරුන්ට ලබා දෙන රු. 20,000/= පෝෂණ දීමනාව ලබා ගන්නේ කෙසේද?
- අදාල අයදුම්පත්රය සම්පුර්ණ කර, ගර්භනී කාඩ්පතෙහි ඡායා පිටපතක්, ප්රාදේශීය සෞඛ්ය සේවා අධ්යක්ෂ (MOH) කාර්යාලෙයන් සහතික කර අයදුම්පත්රය සමග අමුණා ප්රාදේශීය ලේකම් කාර්යාලයට භාරදිම. ( මාස 03 ක් ඇතුලත)
අධ්යාපන ආධාර ලබා ගත හැකි අය කවුරුන්ද?
- දරුවන්ගේ පියා මියගොස් ඇති හෝ සුව කළ නොහැකි ආබාධයකින් පෙළේ නම් පාසැල් යන දරුවන්ට ශිෂ්යාධාර ලබා ගත හැකිය.
රාජ්ය නොවන සංවිධානයක් ලියාපදිංචි කරන්නේ කෙසේද?
- ආරම්භ කර වසරක් ඉක්ම වූ රාජ්ය නොවන සංවිධාන ලියකියවිලි ලබා දීමෙන් පසුව ලියාපදිංචි කරනු ලබයි.
සමෘද්ධි ප්රතිලාභය අලුතින් ලබා ගත හැකිද?
- දැනට නව ප්රතිලාභීන් තෝරා නොගන්නා අතර ඉදිරියේදී සලකා බැලීම සදහා අභියාචනා භාර ගනු ලැබේ.
අතිරේක දිස්ත්රික් රෙජිස්ට්රාර් අංශය
උප්පැන්න හෝ විවාහ හෝ මරණ සහතිකයේ පිටපත් ලබා ගන්නේ කෙසේද?
- උප්පැන්න හෝ විවාහ හෝ මරණ සහතිකයේ අංකය හා දිනය දන්නේ නම් එක් පිටපතක් සඳහා රුපියල් 100ක්ද,
- උප්පැන්න හෝ විවාහ හෝ මරණ සහතිකයේ අංකය හා දිනය නොදන්නේ නම් එක් පිටපතක් සඳහා රුපියල් 200ක්ද ප්රාදේශීය ලේකම් කාර්යාලයට ගෙවා සහතික පත් ලබා ගත හැකිය.
- ශ්රී ලංකාව තුල සිදු වූ උපතක් හෝ විවාහයක් හෝ මරණයක් සඳහා අප ප්රාදේශීය ලේකම් කාර්යාලයෙන් අදාල සහතිකපත් ලබා ගත හැකිය.
උපත් ලියාපදිංචි කරන්නේ කෙසේද?
- සාමාන්ය උපතක් ලියාපදිංචි කිරීම සඳහා උපත සිදු වී මාස තුනකට කලින් අදාළ කොට්ධාශයේ උප්පැන්න ලියාපදිංචි කිරිමේ රෙජිස්ට්රාර්වරයකු මුණ ගැසී උපත ලියාපදිංචි කර ගත යුතුය.
- මාස තුනක් පසුවූ උප්පැන්න ලියාපදිංචි කිරීම සඳහා අතිරේක දිස්තික් රෙජිස්ට්රාර් මුණ ගැසී අදාළ තොරතුරු ලබා ගන්න.
විශ්රාම වැටුප් අංශය
සිවිල් විශ්රාමිකයා මිය ගිය පසු වැන්දඹු අනත්දරු විශ්රාම වැටුප සාදා ගන්නේ කෙසේද?
- පළමුව විශ්රාමිකයාගේ මරණ සහතිකය ලබා ගෙන විශ්රාම වැටුප නතර කිරීම.
- වැඩිපුර මුදලක් තිබේ නම් එය ගෙන්වා ගැනීමට බැංකුවට ලිපි දැමීම.
- පසුව අදාල පුද්ගලයා පහත සඳහන් ලිපි ලේඛන රැගෙන එන ලෙස දැනුම් දීම.
- විශ්රාමිකයාගේ මරණ සහතිකයේ මුල් පිටපත
- වැන්දඹුවගේ උප්පැන්න සහතිකයේ මුල් පිටපත
- විවාහ සහතිකයේ මුල් පිටපත
- වැන්දඹුවගේ බැංකු පොතේ ඡායා පිටපතක්
- වැන්දඹුවගේ හැදුනුම්පතේ ඡායා පිටපතක්
- වැන්දඹු අනත්දරු කාඩ්පතේ ඡායා පිටපතක් හෝ වැන්දඹු අනත්දරු අංකය
- ග්රාම නිලධාරි විසින් සහතික කරන ලද පාස්පෝට් ප්රමාණයේ වර්ණ ජායාරූපයක්
- ඉහත ලියවිලිවල ඡායාපිටපත් සියල්ල ග්රාම නිලධාරී විසින් සහතික කල යුතුය.
- අනතුරුව ඔවුන් අදාල තොරතුරු ලබා දුන් පසු ලිපිගොනුව රැගෙන වැන්දඹු අනත්දරු විශ්රාම වැටුප සෑදීමට අවශ්ය කටයුතු කිරීම.
විශ්රාමිකයින්ගේ විශ්රාම වැටුප නතර කර ඇත්තේ ඇයි?
- අදාල වර්ෂය සඳහා ජීවිත සහතිකය ලබා නොදීම නිසා විශ්රාම වැටුප නතර කිරීම.
- විශ්රාමිකයා පැමිණි පසු ජීවිත සහතිකය ලබා දීම හා ග්රාම නිලධාරී මහතා ලවා සහතික කර රැගෙන එන ලෙස පැවසීම.
- පසුව නැවත ජීවිත සහතිකය භාර දුන් පසු විශ්රාම වැටුප යාවත්කාලීන කිරීම.
වැන්දඹුව මියගිය පසු විශ්රාම වැටුප උරුමකරුවන්ට ගෙවන්නේ නැත්තේ ඇයි?
- වැන්දඹු අනත්දරු විශ්රාම වැටුප් පනතට අනුව වැන්දඹු අනත්දරු විශ්රාම වැටුප් මුදලට හිමිකම් ලැබූ පුද්ගලයෙක් මිය ගිය පසු එකී පුද්ගලයාට හිමි විය යුතු වැටුපක් හෝ හිඟ මුදලක් ඇත්නම් එම මුදල් ඔවුන්ගේ උරුමකරුවන් වෙත ගෙවීම සඳහා නෛතික ප්රතිපාදන නොමැති බව පහදා දීම.
වැටුප් වාර්තාවක් ලබා ගන්නේ කෙසේද?
- විශ්රාමික හැඳුනුම්පත, ජාතික හැඳුනුම්පත හා ඉල්ලීමේ ලිපියද රැගෙන පැමිණිය යුතුය.
